औद्योगिक मेला तथा बाँके महोत्सवको भव्य तयारी
नेपालगन्ज/ मध्यपश्चिमाञ्चल औद्योगिक व्यापार मेला तथा बाँके पर्यटन महोत्सवको भव्य तयारी हुँदैछ ।

नेपालगन्ज उद्योग व्यापार संघको मुख्य आयोजनामा हुन लागेको उक्त मेला तथा महोत्सव पर्सी माघ २७ गतेदेखि फागुन ९ गतेसम्म कारकाँदो स्थित सडक विभागको कम्पाउण्डमा हुँदैछ ।

नेपालगन्ज उद्योग व्यापार संघका अध्यक्ष सुनिल कुमार शर्माको अध्यक्षतामा बनेको ३ सय ५१ सदस्यीय मूल आयोजक समिति अन्तर्गतका विभिन्न उपसमितिहरु मेलाको अन्तिम तयारीमा जुटेकोछ । मेलामा विभिन्न उद्योग व्यवसायका ३ सय स्टलहरु रहनेछन् ।

मेला अवधिभर स्थानीय राष्ट्रिय कलाकारहरुले साँस्कृतिक कार्यक्रम प्रस्तुत गर्नेछन् ।