जाडो याममा हुने आकस्मिक श्वास प्रश्वास रोग निमोनियाको बारेमा जान्नै पर्ने कुराहरु

आँखाले नदेख्ने शुक्ष्म जीवाणुले अचानक श्वास प्रकृयासंग सम्बन्धित अंगहरु जस्तै फोक्सोहरुमा संक्रमण हुने रोगलाई श्वास प्रश्वास रोग भनिन्छ । यो रोग खासगरी ५ वर्ष मुनका बालबालिकाहरुका लागि अकालमा ज्यान लिन  सक्दछ ।

आकस्मिक श्वास प्रश्वास रोगका लक्षण र चिन्हहरु :
साधारण रुघा खोकी लाग्दा बच्चालाई खोकी लाग्ने, नाकबाट सिंगान बग्ने र हल्का ज्वरो आउने गर्दछ ।
निमोनिया भएमा सास फेर्न गाहारो हुने, छिटो छिटो सास फेर्ने, ज्वरो आउने, कोखा हान्ने जस्ता लक्षण र चिन्हहरु देखा पर्दछन् ।
निमोनियाको उपचार नगरेपछि कडा निमोनिया हुन सक्दछ, जस्मा बच्चाले खान पिउन नसक्ने, सुस्त वा वेहोस हुने आमाको दुध चुस्न नसक्ने र कसै कसैलाई श्वास फेर्दा घ्यार घ्यार आवाज आउने गर्दछ ।

श्वास प्रश्वास रोग रुघा खोकी नलाग्ने (बच्ने) उपायहरु :
बच्चालाई धुलो धुँवा, तेलको खारबाट जोगाउने ।
बच्चा भएको ठाउँमा वा घरमा धुम्रपान नगर्ने ।
जाडो वा गर्मी मौसम अनुहारको लुगा लगाइदिने ।
बच्चालाई न्यानो र हावा आवतजावत हुने कोठामा राख्ने ।
६ महिनाको उमेरसम्म स्तनपान मात्र गराउने ।
बच्चालाई १ वर्षभित्र सम्पूर्ण खोपको मात्रा पूरा लगाई दिने ।
रुघा खोकी लाग्नासाथ तुल्सीको पात, मह अदुवाको तातो झोल खान दिने ।
प्रत्येक वडाका महिला स्वास्थ्य स्वयम्सेविकाहरुले साधारण रुघाखोकी र निमोनियाको उपचार गर्ने भएकोले सल्लाह र सेवाको लागि आफ्नै वडाका महिला स्वास्थ्य स्वयम् सेविकाहरुसंग सम्पर्क राख्नु होला ।
थप जानकारीको लागि जिल्ला जनस्वास्थ्य कार्यालय बाँके र नजिकको स्वास्थ्य संस्थाहरुमा सम्पर्क राख्न हुन अनुरोध छ ।
जिल्ला जनस्वास्थ्य कार्यालय, बाँके

फोन नं. ०८१–५२०१५८